影片
更多
2019-02-24
100 瀏覽
今日中午時間同屋企人去咗藍地豫豐花園地下嘅一間日本餐廳「小豆町」，門口望落去都幾大間㗎！入到去環境比較暗，非常之適合三五知己傾計聚會，如果一個人嚟嘅話亦都可以選擇坐Bar枱，望住壽司師傅整壽司。餐廳內仲有一部大電視，一路播緊一啲日本飲食節目，望到都流晒口水！一入到黎佢就每人俾咗一客餐前小食，係牛𦟌蘿蔔粒，牛𦟌非常軟熟～而中午時間呢度會有lunch set，我哋就試咗一個海膽蟹蓋迷你丼，佢嘅蟹膏鋪滿晒成個蟹蓋，估計佢係用火槍燒過嚟嘅，所以識落會有啲香口嘅味道！每份午市套餐仲會配埋麵豉湯同餐飲添！除此之外，仲可以加配小食，可以喺A類嘅小食揀一款，同埋B類嘅小食揀一款，我哋就叫咗芝麻雞翼，仲有三件三文魚刺身。小食方面我哋就叫咗一客蟹子沙律，呢個沙律好有驚喜，因為佢嘅青瓜絲切得好幼，而且蟹柳嘅份量亦都好足夠，每一啖食落去青瓜絲、蟹柳同埋蟹子嘅份量係恰到好處，唔會淨係好似食緊青瓜絲！因為屋企人好鍾意食魚類，所以我哋仲叫咗一客燒油甘魚鮫，呢個相對上就一般，冇咩太大驚喜！我哋仲叫咗一個野菜牛肉鍋，仲可以加兩蚊轉泡菜汁湯底。黎到日本餐廳當然唔少得食壽司啦，所以我哋都叫咗幾款壽司，分別有最常見嘅三文魚壽
入到去環境比較暗，非常之適合三五知己傾計聚會，如果一個人嚟嘅話亦都可以選擇坐Bar枱，望住壽司師傅整壽司。餐廳內仲有一部大電視，一路播緊一啲日本飲食節目，望到都流晒口水！
一入到黎佢就每人俾咗一客餐前小食，係牛𦟌蘿蔔粒，牛𦟌非常軟熟～而中午時間呢度會有lunch set，我哋就試咗一個海膽蟹蓋迷你丼，佢嘅蟹膏鋪滿晒成個蟹蓋，估計佢係用火槍燒過嚟嘅，所以識落會有啲香口嘅味道！
每份午市套餐仲會配埋麵豉湯同餐飲添！
除此之外，仲可以加配小食，可以喺A類嘅小食揀一款，同埋B類嘅小食揀一款，我哋就叫咗芝麻雞翼，仲有三件三文魚刺身。
小食方面我哋就叫咗一客蟹子沙律，呢個沙律好有驚喜，因為佢嘅青瓜絲切得好幼，而且蟹柳嘅份量亦都好足夠，每一啖食落去青瓜絲、蟹柳同埋蟹子嘅份量係恰到好處，唔會淨係好似食緊青瓜絲！
因為屋企人好鍾意食魚類，所以我哋仲叫咗一客燒油甘魚鮫，呢個相對上就一般，冇咩太大驚喜！
我哋仲叫咗一個野菜牛肉鍋，仲可以加兩蚊轉泡菜汁湯底。
黎到日本餐廳當然唔少得食壽司啦，所以我哋都叫咗幾款壽司，分別有最常見嘅三文魚壽司、鰻魚壽司、帶子壽司同埋花之戀～非常抵讚嘅就係呢度嘅壽司飯唔會太大舊，唔會比飯嘅份量遮蓋左刺身嘅味道！呢幾款壽司當中最好味嘅就係鰻魚壽司，因為非常之軟熟，而且食落唔會有骨！
總結來講，呢間日本餐廳雖然位置比較偏僻，但係佢嘅價格都好親民，我哋三個人呢餐一共食左$500，可以再黎～
張貼
