一番日本料理

營業中

休息中

清酒煮蜆。淡淡嘅清酒香味，蜆肉鮮甜，好易入口。燒鰻魚壽司，鰻魚香口軟腍，油潤又唔膩。牛油果飯卷，飯卷中間係蟹柳、青瓜同蛋，上面鋪住牛油果片，洒上蟹子，成個飯卷好fresh，蘸沙律醬食好開胃。芝麻八爪魚，濃稠惹，味嘅醬汁，好香芝麻味，八爪魚爽口。鹽燒牛舌，牛舌好有嚼口，表面洒上椒鹽去燒，又香又入味。明太子雞翼，雞肉香口，包住粒粒明太子，增加咗口感。香蒜雞軟骨香脆有嚼頭。稻庭烏冬，冬菇、紫菜、粟米、芽菜、蛋，料都幾足，烏冬爽滑。蟹籽沙律中華冷麵好fresh，份量好多。日本芝士年糕，軟糯嘅年糕包住濃厚嘅芝士，仲有香芋丸，鍾意香口甜食一定唔可以錯過。如果嫌太油膩可蘸沙律醬食。