德膳壽司 (已結業)

一個字，抵食！以百零蚊食到新鮮食材且份量充足，大滿足！叫左兩個套餐，一個壽司餐（招牌叫壽司冇理由唔試壽司）同一個刺身餐。首先有薯仔沙律，面豉湯，蒸蛋做前菜，呢三樣味道唔錯，蛋夠滑夠香。主菜壽司上檯，有三文魚腩，三文魚籽，海膽，蝦，吞拿魚，帆立貝等等，樣樣都好新鮮，特別一讚吞拿魚，平時d香港普通日本食店我多數唔會叫吞拿魚，因為多數冇味或有雪味，但德膳嘅吞拿魚有魚味，少少油脂，口感唔錯，帆立貝同三文魚尤其爽甜。順帶一提佢地嘅手握飯好好，唔會散。最後甜品係奶凍，很香很滑。服務員態度冇其他食評講到咁差，都好好招呼，可能係閒日，冇咁忙啦