影片
更多
2019-09-22
159 瀏覽
星期日同朋友去尖沙咀行街行到五點幾大家都好肚餓當然要去醫肚啦食下午茶又太遲於是我哋就搵吓邊度有放題食行到佐敦呢頭見到有日韓放題見到餐牌有涮涮鍋有海鮮 好吸引咁 就上咗去試一坐低店員就同我地介紹餐牌淨係湯底都有好多款 我哋揀咗壽喜燒食物方面 因為臨近月尾 大家都冇乜錢於是就要咗最平嗰個268嘅餐叫做美國穀飼肥牛餐 有牛有豬有雞有刺身仲有海鮮等嘢食上嘅時候 去左出面睇吓有咩嘢食估唔到好多款蔬菜類有唔少選擇素食者都唔怕冇嘢食仲有打邊爐唔少得嘅丸類 好似有四至五款除咗刺身 熟食都有好多炸物除咗比較普通嘅薯角之外 竟然有炸香蕉可惜咁啱我哋都喉嚨痛 無試到仲有燒海鮮 茶碗蒸 豬軟骨 豬手等等不得不提嘅係呢度有好多海鮮 全部都係任食！不過太多影唔晒要回本 絕對冇難度拎完嘢食梗係要睇埋飲品除咗呢啲果汁 汽水 茶 之外呢度係有得任飲啤酒㗎！不過我哋病緊所以冇飲到行完一個圈 啲嘢食話咁快就上成枱都係嘢食 感覺好幸福大蝦天婦羅🍤： 皮淋左少少 不過味道唔錯芝士牛舌：冇諗過份量咁大 有成五六件牛舌 仲有每件都好厚！芝士份量都好多 唔怕冇味肥牛：牛肉幾新鮮 肥膏有少少多 不過以呢個價錢來講絕對抵食炒雜菜： 最怕
行到五點幾大家都好肚餓
當然要去醫肚啦
食下午茶又太遲
於是我哋就搵吓邊度有放題食
行到佐敦呢頭見到有日韓放題
見到餐牌有涮涮鍋有海鮮 好吸引咁 就上咗去試
一坐低店員就同我地介紹餐牌
淨係湯底都有好多款 我哋揀咗壽喜燒
食物方面 因為臨近月尾 大家都冇乜錢
於是就要咗最平嗰個268嘅餐
叫做美國穀飼肥牛餐
有牛有豬有雞有刺身仲有海鮮
等嘢食上嘅時候 去左出面睇吓有咩嘢食
估唔到好多款
蔬菜類有唔少選擇
素食者都唔怕冇嘢食
仲有打邊爐唔少得嘅丸類 好似有四至五款
除咗刺身 熟食都有好多
炸物除咗比較普通嘅薯角之外 竟然有炸香蕉
可惜咁啱我哋都喉嚨痛 無試到
仲有燒海鮮 茶碗蒸 豬軟骨 豬手等等
不得不提嘅係
呢度有好多海鮮 全部都係任食！
不過太多影唔晒
要回本 絕對冇難度
拎完嘢食梗係要睇埋飲品
除咗呢啲果汁 汽水 茶 之外
呢度係有得任飲啤酒㗎！
不過我哋病緊所以冇飲到
行完一個圈 啲嘢食話咁快就上
成枱都係嘢食 感覺好幸福
大蝦天婦羅🍤： 皮淋左少少 不過味道唔錯
芝士牛舌：冇諗過份量咁大 有成五六件牛舌 仲有每件都好厚！芝士份量都好多 唔怕冇味肥牛：牛肉幾新鮮 肥膏有少少多 不過以呢個價錢來講絕對抵食
炒雜菜： 最怕炒雜菜好油膩 好彩呢度嘅唔係 椰菜炒得爽脆 加埋洋蔥同蘿蔔絲 解滯
食完一輪鹹嘢 雖然已經好飽 但係點可以唔食甜品
拎嘢食嘅時候 見到隔離枱嘅小朋友揀雪糕揀得好開心
原來呢度雪糕雪條好多款！
竟然有movenpick!
仲有好多韓式雪條
平時我唔係太好甜野
今次竟然食咗三杯雪糕一條雪條
特別係嗰隻芝士蛋糕雪條
聽就聽過好多次 其實我第一次食
真係好似食緊芝士蛋糕咁
兩個鐘話咁快就過食到捧住個肚走
最後 值得一提嘅係 呢度叫嘢食唔係用紙
而係用電話！
一坐低店員會比張紙 你上邊有QR code
掃一掃 然後用自己部電話叫嘢食就得
環保又方便 抵讚
張貼
