添好運點心專門店

營業中

休息中

酥皮焗叉燒包果然係必食推介，皮脆又帶微甜，有啲似菠蘿包個面，包質鬆軟，叉燒饀料多又Juicy,好好味。香煎蘿蔔糕煎到有少少脆邊，香口好味，蘿蔔糕加多dd 臘味更好，會更惹味。家鄉咸水角外皮略嫌唔夠脆，內層煙韌，饀料足，大致不錯！杏汁大白菜燉豬肺個湯奶白色，好香，杏汁味重，配埋菜乾同豬肺食，有口感又滋補。叉燒蔥油撈粗麵有碗湯撈粗麵，麵質彈牙，但味道偏鹹，加湯食就剛好。煎堆個面黑白芝麻都有，幾特別。煎堆煙韌，內有豆沙饀，略甜。