莉苑美食 (已結業)

鰂魚涌食個早餐閒閒地都講緊係$30-$40，仲要份量不多，同埋味道一般，好食點都要$50以上，而莉苑早餐大部份$20樓下，有粥，炒麵，腸粉，中式包點等等，份量十足。今朝食左個皮蛋瘦肉粥+炒麵$20，皮蛋唔係靚野，瘦肉唔算多，粥底係白粥底溝落去，叫既時候先放皮蛋瘦肉，淋上白粥，味道一般，但絕無味精，食完碗粥，食多兩啖炒麵都已經飽哂，剩返既留返做午餐，炒麵真係大大份，仲有芽菜，炒得好爽口，唔會太咸。