Plato Cafe & Bistro (彌敦道) (已結業)

上次同FD食完哩間餐廳，一路心思思想試下二人套餐，終於揾到FD一齊試下。今次揀咗油麻地分店，哩間街景好靚，坐到窗邊可以睇到彌敦道，勁啱打卡！晚市二人餐好豐富，包括餐包，是日餐湯，頭盤，意粉，主菜同埋2杯飲品。餐包同是日餐湯好快黎咗，質素唔錯，餐包熱笠笠仲伴有牛油，是日餐廳係粟米湯飲落好濃郁。FD揀咗凍榛子拿鐵，話超好飲，飲落唔會覺得好甜，榛子味同拿鐵balance得好好， FD之後飲完都叫多一杯。熱奶茶，係用茶包泡制，奶同糖係自己加落去，OK啦。頭盤揀咗炸洋蔥圈，洋蔥圈麵粉好薄身，成份炸得好香口，點埋沙律醬一齊食，好好味。意粉揀咗香煎帶子黑松露忌廉汁義大利粉，帶子好大一粒有3粒，仲伴有蘑菇片等配料，黑松露味忌廉汁比得勁多，每一啖食落都好creamy。主菜叫咗美國安格斯肉眼牛扒，五成熟牛扒煎得啱啱好，切開仲係紅色，但又未至於好生。牛排食落好重牛味，同埋牛排都好厚身，食落口感唔錯，唔洗點醬已經好夠味。伴碟仲有炸薯同茄子，第一次係牛扒餐見到茄子，都幾得意，都係少少煎過，食落OK。最後仲包埋2個哈根達斯雪糕TIM，同FD一邊吹水一邊食甜點，真係勁開心。