Fauchon Paris Le Café (已結業)

之前一直都想試呢間嘅晚餐，但唔係因為食物吸引我，而係有主菜買一送一同埋半價優惠呢樣吸引到我！好了…最終我都嚟試咗，首先響開飯apps度book咗位先有以上嘅優惠，我哋揀咗8點半時段，因為之前時段已經full booking了…入座後，打開餐牌發現，原來主菜買一送一只係得三四款選擇，而且係單點，相反佢哋嘅set dinner就抵啲，因為包埋餐湯沙律飲品，其實如果唔想成個set食嘅話，單點係抵嘅，我見在場都多人單點食品再另外飲品，不過我哋最後都決定嗌set我哋嗌咗黑松露帶子芝士燴飯同牛排，主菜味道其實幾好，湯就係紅菜頭湯，味道怪怪，沙律係雞肉沙律，但我哋一致認為個沙律超級唔好食，普通嘅凱撒沙律仲好啲！飲品反而令我哋有啲驚喜❤我哋加28蚊嗌咗特飲，士多啤梨同芒果味，超讚👍好清甜👍唔似勁加糖水嗰啲！下次我都會再嚟，不過會選擇主菜買一送一再另加飲品！