叉燒丼家

營業中

休息中

屋企附近開咗間抵食得黎味道又唔錯既餐廳，所以間唔中都會去食下。今晚試下呢個爵士牛扒焗半邊龍蝦脆邊蛋配薯條 ($138) 呢個價錢又有龍蝦又有牛扒咁抵係邊度揾～ 首先講個龍蝦好新鮮彈牙，岀乎意乎既好食。呢外牛扒都煎得好香，而且唔乾，肉汁仲可以鎖住係入面，幾好口感。豬扒芝士撈丁 ($52) 超級大塊豬扒原塊上，個樣超吸引，叫之前驚個芝士汁會好漏，但食落又ok咼！比較似忌廉汁，撈丁反而係恰到好處。超高質阿華田脆多士($24) 面包烘到脆一脆，仲熱辣辣既時候塗上阿華田醬，夾埋塊厚牛油入口即溶☺️ 未溶之前就要即刻食！感覺超滿足跟餐加$8就有特飲🤪 紅豆好立克同龍鳳檸樂都好特別。