堅信號上海生煎皇 (花園街) (已結業)

之前都聽過呢到既生煎包好出名，而且都多分店，今次就黎食下。同朋友叫左招牌生煎包，包的口感似小籠包，比平時食開的較薄，入面好多汁，一咬就會爆汁，好juicy，入面肉都都足料。食個陣要小心熱呀。之後叫左個上海粗炒，好夠味，仲有D肉絲，好香，份量都幾多架。雞絲粉皮好香芝麻醬，幾開胃。另外，仲叫左皮蛋豆腐，皮蛋係整成碎撈埋芫茜再淋係豆腐上面。一開始以為呢到既炸醬拌面，係平時食到港式紅姐地色個種，原來食落似台式，肉碎好夠味，比得好足，唔會話個面撈完都好乾。面質似上海面，幼身個款。食親上海野都鐘意飲豆漿，呢到既豆漿都冇令我失望，幾重豆香味，好好飲。呢到既價錢都好抵食，下次都會再黎。