真心泰國菜館 (已結業)

兩個人想平平地食下泰國野，見到冬蔭功湯面成$80唔跟野飲，所以點左以下兩款。綠咖哩米線(餐)$68綠咖哩湯香甜，好小辣，幾開胃。湯米線唔太吸湯，爽口彈牙。雞肉片份量ok，但係無醃過，無乜味，紅蘿蔔同節瓜就ok，總之重點係個湯，配料一般。生牛肉湯河$52個湯好濃味！仲濃過越式個d。牛肉大塊又鮮味，河粉吸晒d牛肉湯梗係惹味啦，抵食。青檸梳打+$4梳打好難唔好飲的，ok。食物好快上枱，份量就啱啱夠飽啦，價錢合埋，有下次。