影片
更多
2021-04-26
1797 瀏覽
好多年前試過呢間沖繩二段料理幾次，當時感覺麻麻地，價錢只係平而家少少但係食物普遍冇味又難食，一直印象都幾差哈哈😂以當年嚟講都算貴夾難食😂😂😂到咗最近忽然心血來潮想食多次，本來冇抱啲咩希望，但見長期都幾多人食，經過門口又好香，冇理由咁耐以嚟難食都咁多人幫襯架，咁咪再試吓囉。點知又真係有驚喜喎。食物全部直接試曬落肚，本身冇諗住寫post，唯有下次食再補番啲相😂😂午餐個set$78預你一個人食，但我哋真係冇人食得曬，抵食到爆😂個set有：A：MainCourseA（自選鍋肉）B：MainCourseB（自選鍋烏冬/燴飯）C：好大件嘅冬甩加雪糕D：飲品全部熱鍋滾住上👍🏻👍🏻重點係食物質素大進步！有幾樣嘢食特別鍾意MainCourseA：1）蜜糖芥末豚肉鍋甜甜地豚肉入味又Juicy，炒椰菜配搭得啱啱好，個蜜糖味令佢一啲都唔膩，超正！2）黑掓雞扒鍋黑掓辣得好過癮，雞肉超嫩滑👍🏻留意：真心辣3）柚子炸雞粒夠香脆，雞肉水嫩MainCourseB：基本上全部都係單食已經係一餐1）櫻花蝦濃湯烏冬湯頭好濃郁，拉麵係十分濃度，呢碗都有七分，蝦湯搭咗唔少配料，每一啖都食到好豐富嘅味道，烏冬挺身彈牙👍🏻👍🏻👍🏻2
到咗最近忽然心血來潮想食多次，本來冇抱啲咩希望，但見長期都幾多人食，經過門口又好香，冇理由咁耐以嚟難食都咁多人幫襯架，咁咪再試吓囉。
點知又真係有驚喜喎。食物全部直接試曬落肚，本身冇諗住寫post，唯有下次食再補番啲相😂😂
午餐個set$78預你一個人食，但我哋真係冇人食得曬，抵食到爆😂個set有：
A：MainCourseA（自選鍋肉）
B：MainCourseB（自選鍋烏冬/燴飯）
C：好大件嘅冬甩加雪糕
D：飲品
全部熱鍋滾住上👍🏻👍🏻
重點係食物質素大進步！有幾樣嘢食特別鍾意
MainCourseA：
1）蜜糖芥末豚肉鍋
甜甜地豚肉入味又Juicy，炒椰菜配搭得啱啱好，個蜜糖味令佢一啲都唔膩，超正！
2）黑掓雞扒鍋
黑掓辣得好過癮，雞肉超嫩滑👍🏻留意：真心辣
3）柚子炸雞粒
夠香脆，雞肉水嫩
MainCourseB：
基本上全部都係單食已經係一餐
1）櫻花蝦濃湯烏冬
湯頭好濃郁，拉麵係十分濃度，呢碗都有七分，蝦湯搭咗唔少配料，每一啖都食到好豐富嘅味道，烏冬挺身彈牙👍🏻👍🏻👍🏻
2）壽喜燒湯烏冬
傳統日式甜湯底，唔會好咸，加咗少量配菜，唔錯！
甜品🔥🔥
焗熱咗嘅冬甩好香，皮咬落脆卜卜好滋味，同時令消滅咗個甜滯感😍😍😍配搭咗海鹽味雪糕球，一熱一凍絕配！海鹽味算濃郁，個鹽味再吊咗冬甩嘅甜味出嚟，配埋一齊食更香！碟上仲有少少紫薯蓉，配雪糕食又係勁夾。冬甩底係一個焦糖汁，鍾意再重甜嘅朋友，可以點勻成舊都係汁先放落口❤️❤️焦糖烤得好夠「燶」，焦味突出！個人認為一次過放曬四樣嘢入口就太重口，但每一啖都配啲唔同味。一啖冬甩配海鹽味、一啖配紫薯蓉、一啖配焦糖，啖啖唔同好似一次食緊幾款甜品咁超開心🔥
張貼
