糖佰府 (已結業)

食完晚飯，行了陣，又是時候食埋個糖水作為今日嘅總結，因呢間店係朋友之前吃過，糖水選擇多有傳統，有新款西式口味！今次就點了個清潤嘅雙丸椰皇西米$38，無錯真的係呢個價錢，足料！芋圓、番薯圓、湯圓，入口煙韌彈牙，好有口感，而各圓子在口中散發出自己嘅香味，有芋香同番薯香，而個西米糖水甜度適中，西米煮得好軟滑，暖暖地入口真係唔錯！而朋友就點了個新出嘅口味～椰林飄香$45，就係凍食，製作比較繁複，先抽了椰皇內嘅水同椰肉處理後再雪成冰，而再將製成刨冰並放回椰皇內，而上面則放了不同新鮮甜美嘅果肉！有甜芒、士多啤梨、香蕉、藍梅，真係色彩繽紛，視覺享受完，再到味覺享受！夠晒fresh!食完後真係好滿足！