影片
更多
2017-11-27
65 瀏覽
男朋友鐘意試印度野，所以我就試新野，搵印度餐廳食飯！其實印度野唔係一味陣陣咖哩味，最緊要識得揀，有啲印度餐廳整得好油好濃味，我見呢度既佈局似足我上年去印度做野時，街上隨便一間印度餐廳咁既樣，雖然係食素，不過覺得環境幾衛生咁，一於試下！入到去都幾多人，等左陣先有檯，入面9成客人都係印度人，有1檯中國人有1檯外國人，果然好似身處印度咁！呢度既水係一支支買既，打開餐牌好多選擇！樣樣都想試，個人比較偏好Masala味同埋芝士，連印度街頭小食都有，花多眼亂添！另外餐牌有中文，唔怕會睇唔明～最後叫左我鐘意食既Dosa，揀既係Masala Potatoes with Onions。另外由於太多野想試，叫左個北印度套餐，飲品方面叫左混合鮮果汁同我最愛既Mango Lassi.叫北印度套餐貪佢裡面有我想食既Paneer Butter Masala (瑪沙拉咖哩芝士)，Paneer係類似茅屋芝士但味道較淡易入口似Mozzarella 水牛芝士。又有瑪沙拉鷹咀豆、又有印度烤餅、又有飯，一次滿足曬所有願望！我地揀左Naan, 一塊切開成2-3大塊，每款醬汁都好好味，各有佢既特色，有個濃味D, 有個辣D, 有個
其實印度野唔係一味陣陣咖哩味，最緊要識得揀，有啲印度餐廳整得好油好濃味，我見呢度既佈局似足我上年去印度做野時，街上隨便一間印度餐廳咁既樣，雖然係食素，不過覺得環境幾衛生咁，一於試下！
入到去都幾多人，等左陣先有檯，入面9成客人都係印度人，有1檯中國人有1檯外國人，果然好似身處印度咁！
呢度既水係一支支買既，打開餐牌好多選擇！樣樣都想試，個人比較偏好Masala味同埋芝士，連印度街頭小食都有，花多眼亂添！另外餐牌有中文，唔怕會睇唔明～
最後叫左我鐘意食既Dosa，揀既係Masala Potatoes with Onions。另外由於太多野想試，叫左個北印度套餐，飲品方面叫左混合鮮果汁同我最愛既Mango Lassi.
13 瀏覽
0 讚好
0 留言
叫北印度套餐貪佢裡面有我想食既Paneer Butter Masala (瑪沙拉咖哩芝士)，Paneer係類似茅屋芝士但味道較淡易入口似Mozzarella 水牛芝士。又有瑪沙拉鷹咀豆、又有印度烤餅、又有飯，一次滿足曬所有願望！我地揀左Naan, 一塊切開成2-3大塊，每款醬汁都好好味，各有佢既特色，有個濃味D, 有個辣D, 有個甜D, 每款都用左唔同香料去煮，但普遍都係唔係想像中咁辣，唔食得辣既人都食得！呢個套餐我覺得好適合第一次接觸印度野既人，因為佢每個醬汁都好易入口，又有豆角、乳酪、蕃茄洋蔥比你加D清新感，咖哩一啲都唔油唔滯，Naan仲熱辣辣好鬆軟得黎有麵粉既咬勁，唔係落發粉做到既效果！因為我地叫左一份芝士雜菜咖哩，所以要encore多一份Naan先夠送咖哩汁！中間既雜菜飯用既係印度飯，比較長身粒粒分明，就咁食都有味道，甜品食唔出係乜不過幾得意，咬落一粒粒味道有啲似奶黃味～
17 瀏覽
0 讚好
0 留言
9 瀏覽
0 讚好
0 留言
Dosa黎啦！即係勁大塊印度煎餅，通常配一小碗辣豆湯+3款酸辣醬，其實都唔係咁辣，沾Dosa食幾夾，一黎到果然超大塊！之前食過Masala Potatoes Dosa係空心捲起，今次食既係摺埋左，依然見到大過塊臉！煎得好薄脆，中間軟身，裡面既薯仔同洋蔥有好多，好好味，紫洋蔥好甜，配埋唔同口味既咖哩汁好夾！
17 瀏覽
0 讚好
0 留言
飲品方面都好飲，最鐘意佢呢度夠曬正宗之餘咖哩唔會好油，醬汁味道好豐富又有層次，即使食素但食完覺得好滿足，食完覺得好飽但唔會滯，令你覺得身處印度咁，仲可以食到係重慶大廈食唔到、但係印度日常食物例如Dosa，經過尖沙咀會再返黎試下其他野！
張貼
