囍筷 (已結業)

行過銅鑼灣禮頓道，聞到香味，原來呢度有間台灣便當外賣店。 見到價錢好抵，一個餐50幾蚊，追加小食有半價，決定買外賣返屋企嘆。店子雖小，但店員友善，都幾多人幫襯。店內有幾個座位，但多數都有人用緊，所以都係主打外賣。雞絲滷肉飯便當（$58）， 份量不少，裏面有雞肉絲，滷肉，豆腐，半隻蛋，仲有小棠菜同茄子，營養都幾均衡。雞翼便當（$56） 雞翼炸到脆卜卜，同樣有好多配菜。另外叫咗一啲小食，有古早味香腸，炸豆腐，沙茶雞中翼，口味正宗，食得好開心。飲品點咗珍珠奶茶與冬瓜茶，珍珠奶茶的茶底好香，珍珠好彈牙，煙煙靭靭。冬瓜茶就夠清新解渴，水準幾高。