辣妹子

營業中

休息中

今日收工去咗香港仔一間外賣小店買涼拌麻辣前菜返屋企加餸，一入到去就聞到好香又正宗嘅麻辣味🌶，仲要佢啲嘢食18蚊起大大份，好抵食😛。川北涼粉 ($28)依種前菜食嘅麻辣涼粉相信唔係好多人食過🤣，涼粉係用碗豆粉做嘅，外貌晶瑩剔透，質感細嫩清爽又Q彈，最岩夏天食☀️。加埋芫茜同辣油嘅調味，惹味又消暑。手拍青瓜🥒 ($18)想食啲清新啲嘅嘢就叫咗青瓜，青瓜係店員即場手拍嘅🤩，切到大細岩岩好，水汪汪，加埋啲辣汁食好開胃。雲耳 ($18)叫咗青瓜就想食埋雲耳😗，雲耳好爽口，同個汁好夾，好味。土豆絲 🥔($18)土豆絲粗幼切得岩岩好，好爽口，唔會有澱粉質嘅口感，每一條都掛滿辣油，又麻又辣又香又酸，薯仔控一定要試下🥰。麻辣豬腳🐷 ($28)豬腳皮Q肉嫩又夠味，店員張佢切成細細舊，岩岩好可以一啖一舊，食落去充滿骨膠原嘅感覺，配埋啤酒食好正🍻。