福丸水產 鉄板燒 日本料理 (已結業)

今個星期六就由朋友帶路，來到這間位於荃灣百悅坊的福丸水產  ， 入到店鋪，地方大，仲有大大個魚缸。最鐘意呢間浜燒既侍應可以幫每一枱客燒海鮮，因為佢地會比我地更掌握到海鮮的生熟程度。 當燒至乾身，就好細心咁幫我地上碟。黃金蟹膏甲羅燒，超多蟹膏 ， 仲有隻剝左半邊殼既鵪春蛋，到燒既時候侍應會幫你加埋隻鵪春蛋落去一齊燒。  大蜆加青酒煮，味道好夾！4款 壽司叫左三文魚、左口魚邊、蟹子同鰻魚，魚生同飯比例好好， 全部都似樣，魚新鮮、飯又唔鬆散。最尾叫多個冷烏冬就岩岩好。總體價錢唔貴，水產新鮮，下次要再搵機會再食一次