Jariya Thai Food (已結業)

要食正嘅泰菜一定要入九龍城？係港島東一樣揾到平靚正嘅泰菜。尤其是午市真係好抵食，去開呢頭不妨過黎試一試。環境 服務呢間Jariya Thai 嘅老細同伙記全部都係泰國人，店入面仲播住啲泰文歌，好有泰國feel ，牆上除左一啲泰式嘅藝術品之外，仲掛左啲好有趣嘅電影海報。清潔都ok，張枱唔算油。伙記服務好好，店員見我哋兩個人一齊食會好主動咁俾兩個碗我哋。冬陰功蝦河粉好多香港嘅鋪頭都會將啲冬陰功嘅味變得港式，就冇左泰國嘅風味，不過呢碗冬陰功好抵讚，好夠酸同辣，面頭仲有好多香料。啲蝦都算大隻同埋已經拆曬俾大家。啲河粉係比平時香港食開嘅粗，但都好滑同埋軟硬適中，有吸到啲湯。泰式炒金邊粉金邊粉炒得好香好惹味，雖然睇落好似好油咁，但佢炒得好乾身。都唔算好咸，但美中不足就可能係配料唔算多，但都夠你開心咁食完。香葉肉碎炒媽媽麵 & 香葉肉碎飯香葉肉碎做得幾似泰國食到嘅，但咸左少少，但配埋飯食同埋嘢飲整體不錯，好啱下晏食，炒媽媽麵其實就係炒公仔麵，同樣都係炒得幾好，呢到就唔重複。雖然呢個都表現都唔錯，但更加建議去試泰式金邊粉。飲品午市包埋嘢飲，凍飲唔洗加錢，要左一杯凍泰式奶茶同埋凍泰式咖啡。唔算好特別，但