真心泰國菜館 (已結業)

真心泰國菜館旺角一向多嘢食，喺朗豪坊睇完戲，黎到呢間真心泰國菜館，成間鋪嘅design都好有泰國風情，算唔上十分高級，但勝在坐得舒服😌，員工都係泰國人，識講廣東話，非常nice。睇下menu，都頗多選擇，一人晚餐，$50-60左右，非常抵食。食物方面嗌咗豬頸肉炒公仔麵、泰式冬陰功炒公仔麵同芒果糯米飯。炒麵上枱嘅時候大家都好驚訝，因為真係好大份，而且咁大份先至60幾蚊，又夠鑊氣，配料都好豐富，即使係大食既人，一碟已經夠飽。小朋友特別愛芒果糯米飯，幾乎自己KO晒一碟，糯米同椰漿配合啱啱好，唔會太甜，再加上芒果中和，所以都唔會太漏。晚餐人均消費70，十分抵食呀👍，而且質素真係唔差。