影片
更多
2017-11-14
1124 瀏覽
有香港小曼谷之稱嘅九龍城當然有好多泰國菜聚集，個人黎講都間中去九龍城食泰國野，比起連鎖店，就傾向幫襯啲小店，有時去下街市樓上果檔泰菜，貪佢平平地。連鎖店通常出左名就價錢貴啲啦，又或者出品冇咁用心，而且服務水準都會相對下降，有時就寧願去小店好過。今日同幾個朋友黎左呢間鱷魚泰國餐廳，大家都係第一次來，網上評語都唔錯，冇抱住太大期望前來，反而覺得幾有驚喜大約八點鐘來到都差唔多爆棚，餐廳地方唔大，枱與枱間比較親密，呢個都係一般九龍城泰國菜特色，見怪不怪。我地四個就點左幾款食物，不過就冇點到套餐，臨走先見到有啊！你地黎到都要睇下套餐啱唔啱食。整體食物水準都唔錯呢蝦餅：每件都幾大件，食落都幾彈牙，新鮮熱辣辣，點都會好食辣椒膏炒蜆：蜆肉都幾大隻啊，超過十隻，100蚊唔洗都算係咁，因為食泰國菜嘅海鮮都唔會特別平。味道方面唔會太辣，而且幾香口，如果點蒜蓉包或者薄餅都會唔錯嘅。咖喱豬肉：我地猶疑緊到底揀紅、青定黃咖喱，因為都唔係好識分，最後問左店員意見，同埋見到餐牌上有個「噴靚咖喱」，個名好特別，店員話係加左椰漿。食落味道都唔錯，椰漿都帶出左咖喱嘅香氣，而且豬肉都唔肥，又幾嫩，咖喱唔會太辣，我地點左薄餅，
今日同幾個朋友黎左呢間鱷魚泰國餐廳，大家都係第一次來，網上評語都唔錯，冇抱住太大期望前來，反而覺得幾有驚喜
大約八點鐘來到都差唔多爆棚，餐廳地方唔大，枱與枱間比較親密，呢個都係一般九龍城泰國菜特色，見怪不怪。我地四個就點左幾款食物，不過就冇點到套餐，臨走先見到有啊！你地黎到都要睇下套餐啱唔啱食。整體食物水準都唔錯呢
蝦餅：每件都幾大件，食落都幾彈牙，新鮮熱辣辣，點都會好食
辣椒膏炒蜆：蜆肉都幾大隻啊，超過十隻，100蚊唔洗都算係咁，因為食泰國菜嘅海鮮都唔會特別平。
味道方面唔會太辣，而且幾香口，如果點蒜蓉包或者薄餅都會唔錯嘅。
咖喱豬肉：我地猶疑緊到底揀紅、青定黃咖喱，因為都唔係好識分，最後問左店員意見，同埋見到餐牌上有個「噴靚咖喱」，個名好特別，店員話係加左椰漿。食落味道都唔錯，椰漿都帶出左咖喱嘅香氣，而且豬肉都唔肥，又幾嫩，咖喱唔會太辣，我地點左薄餅，配啲咖喱汁，正
香葉牛肉炒飯：炒得唔錯，飯粒一粒粒，夠乾身，牛肉粒雖然係碎，但唔會係蓉果種，加上有香葉，好惹味，食落辣辣地。
酸辣鳳爪：酸辣度有待加強。
炒椰菜苗：菜比較老、大棵，同平時食開嘅椰菜苗有啲唔同。
冬蔭公湯：四個人點細份淺嚐，份量足夠，而且湯嘅味道唔錯。雖然唔係好辣，但入口味道都幾濃，裡面有蝦、有菇，都幾足料啊。
龍眼冰、洛神花冰、青檸梳打
椰青沙冰：原個椰青上，用上椰青水加果肉連冰打碎，飲落味道唔假，唔會話加左好多椰漿，甜度適中，幾好飲，夠解喝
整體而言，人均消費唔洗二百蚊，到最後埋單先發現有套餐，有二人/四人或者再多人套餐供應，價錢感覺比單點再平點，咁下次再來我地就知道喇，性價比高，唔怪得咁好生意啊，keep住到埋單都有客入
張貼
