影片
更多
2021-03-27
806 瀏覽
涌美呢間泰國菜真心覺得唔錯！想當年每年都返泰國食玩揼。依家已經唔記得有幾耐無嘆過4 part 瘋狂按摩。唯有食下泰國嘢懷念美好時光😭泰國豬手飯係我其中一樣最最最懷念嘅食物。可惜係香港好食嘅豬手飯真係少之又少。誰不知近近地係青衣已經搵到間滿意嘅豬手飯😍香到我求其影完相就嗱嗱聲起筷🥢豬手入味，豬皮嫩滑不在話下，連肉都係好鬆化。重點係嗰醬，同我係泰國食嘅有9成似。超級感動，食落肚嘅係幸福啊🥲另外叫左明爐烏頭。魚肉新鮮，湯頭有大量香料肉碎，非常鮮甜。條魚好大條，絕對係性價比之選，兩個人幾乎食唔曬。傾下食下卒之用左一個鐘先KO條魚。推介呢間小店，唔好睇佢鋪仔細細，好多人幫襯，外賣單源源不絕。街坊價錢，泰國質素，解鄉愁一流👍🏻
泰國豬手飯係我其中一樣最最最懷念嘅食物。可惜係香港好食嘅豬手飯真係少之又少。誰不知近近地係青衣已經搵到間滿意嘅豬手飯😍香到我求其影完相就嗱嗱聲起筷🥢豬手入味，豬皮嫩滑不在話下，連肉都係好鬆化。重點係嗰醬，同我係泰國食嘅有9成似。超級感動，食落肚嘅係幸福啊🥲
另外叫左明爐烏頭。魚肉新鮮，湯頭有大量香料肉碎，非常鮮甜。條魚好大條，絕對係性價比之選，兩個人幾乎食唔曬。傾下食下卒之用左一個鐘先KO條魚。
推介呢間小店，唔好睇佢鋪仔細細，好多人幫襯，外賣單源源不絕。街坊價錢，泰國質素，解鄉愁一流👍🏻
張貼
