影片
更多
2024-07-30
175 瀏覽
約咗朋友睇夜場，見仲有啲時間，睇戲之前一齊食個飯先，所以嚟到德寶商場嘅曼谷車站，見佢免+1服務費就坐低試吓～～～⭐️招牌泰式咖喱炒大蝦🦐$168原本想叫炒蟹，但比較可惜嘅係泰好賣，到我哋叫嘅時候已經冇晒貨🥺唯有試吓佢哋嘅泰式咖喱炒大蝦～～～好鍾意呢度嘅泰式咖喱，佢上枱過咗一段時間仲係熱辣辣，撈飯一流👍🏻👍🏻👍🏻～～～因為我鍾意用泰式咖喱撈飯前，先將配料夾出嚟，好似啲蔥、西芹、洋蔥、紅椒等等，但佢大碟得嚟冇太多嘅配料，基本上成碗都係咖喱汁同大蝦，好正～～～⭐️泰式飛天炒通菜🌶️$57雖然有啲辣，但好惹味，以咁嘅價錢嚟講，真係份量十足，好抵食👍🏻而且佢唔會好似其他泰國餐廳調味咁重，咸度適中～～～⭐️正宗泰式海南雞飯$69呢度嘅海南雞已經幫你去咗骨，食起上嚟好方便，而且佢嘅雞非常滑嫩，唔會有多餘嘅肥油，好好彩今次食到雞髀肉～～～海南雞好有雞味，基本上唔需要點醬料，不過佢嘅醬料好符合香港人口味，唔會太辣～～～個飯就充滿雞同香料嘅香味，而且會好油膩，可以encore要多碗🤣～～～⭐️菠蘿海鮮炒飯$75炒飯用料好充足，有蝦仁、新鮮菠蘿、魷魚筒、魷魚片、臘腸、提子乾，而且飯粒粒粒分明但如果佢係原個菠蘿上就更加
～～～
⭐️招牌泰式咖喱炒大蝦🦐$168
原本想叫炒蟹，但比較可惜嘅係泰好賣，到我哋叫嘅時候已經冇晒貨🥺唯有試吓佢哋嘅泰式咖喱炒大蝦
～～～
好鍾意呢度嘅泰式咖喱，佢上枱過咗一段時間仲係熱辣辣，撈飯一流👍🏻👍🏻👍🏻
～～～
因為我鍾意用泰式咖喱撈飯前，先將配料夾出嚟，好似啲蔥、西芹、洋蔥、紅椒等等，但佢大碟得嚟冇太多嘅配料，基本上成碗都係咖喱汁同大蝦，好正
～～～
⭐️泰式飛天炒通菜🌶️$57
雖然有啲辣，但好惹味，以咁嘅價錢嚟講，真係份量十足，好抵食👍🏻而且佢唔會好似其他泰國餐廳調味咁重，咸度適中
～～～
⭐️正宗泰式海南雞飯$69
呢度嘅海南雞已經幫你去咗骨，食起上嚟好方便，而且佢嘅雞非常滑嫩，唔會有多餘嘅肥油，好好彩今次食到雞髀肉
～～～
海南雞好有雞味，基本上唔需要點醬料，不過佢嘅醬料好符合香港人口味，唔會太辣
～～～
個飯就充滿雞同香料嘅香味，而且會好油膩，可以encore要多碗🤣
～～～
⭐️菠蘿海鮮炒飯$75
炒飯用料好充足，有蝦仁、新鮮菠蘿、魷魚筒、魷魚片、臘腸、提子乾，而且飯粒粒粒分明
但如果佢係原個菠蘿上就更加正啦！
～～～
⭐️椰青$38
我勁鍾意周圍飲椰青，去到泰國嘅時候係一日一個椰青😆呢度椰青超級清甜，但難過嘅係，佢嘅椰青水好少🥺好快飲晒
～～～
總括而言：以泰國菜嚟講，咁嘅價格真係相對親民
而且非常重要嘅係❗️ 佢免+1服務費❗️
～～～
📍曼谷車站
牛頭角牛頭角道3號得寶商場1樓218號舖
張貼
