曼菊泰國料理 (已搬遷) 新店位置

眾所周知，葵涌廣場入面有好多好特色嘅小店，都係好高質，我今日就去咗試下葵涌廣場入面嘅其中一間好出名嘅泰國菜，叫做曼菊泰國料理😊小店來講，呢度嘅菜式都算非常豐富，而且有好多唔同種類嘅泰國菜式！今日就叫咗呢個香葉肉碎大蝦飯同埋金邊粉😋😋即叫即整，所以鑊氣十足，非常熱辣辣！而且呢個金邊粉好出色，有好多肉碎都係好惹味！好可口！加埋呢個金邊粉非常彈牙非常爽口，撈埋一齊食簡直係絕配😋！至於呢個香葉肉碎大蝦飯亦都好好食！都係用返同樣嘅豬肉碎，不過送飯今次亦都係好夾！泰國菜就係有呢個好處，啲香料非常正！所以拎嚟送飯送乜都一流😋加上有隻太陽蛋，一齊撈飯食好正！兩個人食嘢一舊水都唔使！超開心超抵食！