木船泰國粉麵專門店 (已結業)

出街食泰國菜朋友介紹來到大埔呢間。附近有路邊錶位停車場，100米處有多層時租停車場，方便泊車人仕。涼伴青木瓜絲$42係泰菜出名沙律小食之一，酸酸甜甜好開胃。泰式炒通菜$48份量不多，但勝在新鮮，鮮嫩爽口，不會過度油貳，味道可口。冬陰公鳳尾蝦湯（定食）＄72一個定食包括有肉丸雞湯，主食，前菜，小食甜品。其實真係好抵，冬陰公湯河不算太辣宜入口。甜品有驚喜有好濃郁朱古力味。水牛城串燒雞翼＄32即叫即炸，入口仍新鮮熱辣，雞皮脆香。雞肉味鮮甜美味。龍眼冰（+$10）真材實料，見到又食到一粒粒龍眼肉，聽講龍眼性溫補血，好啱女士飲。有其他套餐或定食，下次經過會再來吧。