曼谷廚房工房 (已結業)

九龍灣工廈區有好多飯堂，但感覺都係頹食茶餐廳偏多，云云之中見到呢間泰國餐廳，抵食下午茶2點開始，餐牌上好多選擇都吸引，最貴都只係$42！無骨元蹄飯 $36 碗飯其實都唔細，有幾件豬手，皮幾肥美，肉唔算多，但味道唔錯，仲有半隻滷水蛋，加埋酸菜同一條油菜，性價比算幾高。無骨海南雞油飯 $38 四件雞加隻雞翼尖，我無試食到但望落都唔錯，朋友都讚幾好。呢個價錢配埋熱飲，轉凍飲加$6，泰式奶茶味道無平時咁甜，但都幾好飲。