阿來東南亞風味 (已結業)

我同男朋友都好鍾意食泰國野，成日周圍搵泰國餐廳。是日就黎到位於油麻地既阿來東南亞餐廳。我地叫左金磚豆腐，單骨既蛋黃雞翼，仲有泰式炒金邊粉。上菜好快，落單唔夠10分鐘就上齊晒。豆腐好好食，外層酥脆，內層嫩滑。蛋黃雞翼好香咸蛋味，單骨既設計亦方便進食。泰式炒金邊粉既蛋就幾正整得幾特別(唔記得影相), 用蛋汁整左個網紋包住d金邊粉，蝦亦夠晒爽口彈牙，不過overall 甜左少少。另外，想講個餐廳好有心思，上碟好靚，正所謂色香味，起碼先聲奪人先。