阿來東南亞風味 (已結業)

平時都鐘意食泰國野，今日去旺角接朋友放工，佢話好肚餓，大笨象都食得落喎😂 行到廣華街見呢間坐滿人，個lunch set幾抵，50幾蚊包野飲，即管試下我哋揀咗G餐，金不換香辣肉片炒河($54)，跟餐嗌咗荔枝梳打(+$6)，梳打偏甜。炒河勁大碟，有豬肉片、紅蘿蔔、洋蔥、青椒、辣椒，菇等等好多配料，辣辣地，幾惹味另外仲叫咗通菜炒豬頸肉($68)。主角咖喱炒軟殼蟹($108)一上枱已經聞到陣椰汁味，炸軟殼蟹好香口又啖啖肉，如果蟹肉份量再多d就更好 最後加單叫咗個薄餅($25)，lam埋d咖哩汁仲加咗個椰青($35)，好清甜，中和返無咁heavy。飽到捧住個肚走啊