尚泰太 (已結業)

好耐好耐冇食辣！亦都好耐好耐冇食泰國野!!今晚經過呢間泰國餐廳，雖然未食過，但已經好肚餓，唔想繼續搵，就呢間喇！🤣🤣🤣基本上沙律，小食，飯，麵，海鮮，冬蔭公，甜品佢樣樣都齊架喇今晚我嗌左泰式鳳爪，豬手飯，串燒拼盤，芒果沙冰，椰汁沙冰。泰式鳳爪酸辣度適中，鳳爪亦唔會太大陣雪味。豬手飯佢有個汁比你點豬手食，個汁酸酸地辣辣地幾好食，老闆話d醬汁都係佢地師傅自己特調🤩🤩豬手份量多，不過呢間冇配酸菜，但味道都唔錯，如果肉質再林d會更好食！串燒拼盤3豬3雞，個底味應該有用黃姜粉醃左佢先，所以好入味，雞更出色，肉質仲好嫩滑！！😛😛最爆既係佢地既沙冰！！！！勁勁勁大杯！！！！🤣🤣🤣🤣係出面double既份量。。。。。。我真係未見過咁大杯既沙冰🤣🤣價錢係相當抵！！個人覺得芒果味好飲D🤩泰國菜真係要多人黎食先可以食更多款式！下次搵埋三五個朋友再入黎呢間試下 🤩🤩🤩