一樂小鍋 (已結業)

二百零蚊套餐有齊海鮮、火鍋配料，最後仲有南瓜或粟米粥，真係又抵又好食！店面唔大，最好book定位，之前book枱仲有9折添，而家唔知有冇。套餐共有6樣海鮮，有4樣可自選，2樣就已指定（貝類及蠔仔）。我次次都會揀蟹，每人半隻，都好大隻及新鮮。個人喜歡扇貝及帶子，都好味。食過幾次海蝦都係新鮮嘅。蜆就細粒左啲，蠔仔就留番黎最後煲粥。火鍋配料就都係果啲啦！正常水準。等你食晒所有海鮮和火鍋配料後，就可以叫店員幫你煲粥。