雪糕達人 (已搬遷) 新店位置

西九龍中心出名多美食，好多美食都又平又正👍🏻 今次喺food court見到呢間雪糕達人好多人排隊，就知道係街坊最愛啦～ 見到菜單十分抵食$10 有4球雪糕、$12 有5球雪糕，唔怪得咁多人排隊啦！-小編就揀咗五球雪糕，分別係黑芝麻、石板街、綠茶、香芋、豆腐，埋單都係$12咋！雖然每一球嘅size都唔係好大，但成杯來講都分量十足，最好就係每一種味道都可以試到😛 味道方面，全部味道都唔算甜剛剛好，味道亦唔會假。尤其係水豆腐同黑芝麻味都幾出色，下次再試埋其他味道啦！😋