大鍋口海鮮火鍋店

營業中

休息中

因為想打邊爐就搵埋朋友食呢間港式任食火鍋，呢間可以先食雞煲再打邊爐，正。⭐️麻辣雞煲雞煲有大約半隻雞嘅分量，唔算好辣，但好入味，醬汁濃，雞煲仲可以無限添加。侍應好好人，一坐底就問我地不如先上雞煲，之後再慢慢一路食一路諗要咩湯底同配料。⭐️火鍋我地選擇了沙爹湯同新鮮豬筒骨湯底。店員會首先比了一份牛肉我地煮嚟食，花紋好靚，牛味重，好好食。之後係紙仔揀選配料，個人幾推薦手切肥牛、手打墨魚丸拼雞軟骨丸、蟹粉包心丸、紅薯粉。手打丸好彈牙。另外要落紅薯粉，我地放落沙爹湯到煮，完全吸哂湯嘅精華，好好食。