阿一豬扒酸辣米綫

營業中

休息中

呢間野原來得港島先有分店😁😁聽講佢出名系食豬排嘅。不過我不嬲都唔鍾意食大舊肉，等我試下其他野先🤣🤣呢度外賣都系每碗30幾蚊咁。雖然話系雲南野但唔知點解我覺得好港式😆😆。雜菌手撕雞清湯上海麵🍗🍄佢啲上海麵好似烏冬咁，粗粗地，不過唔系烏冬咁彈牙，系軟淋淋，幾搞笑🥣🥣。清湯底都幾香，似肉湯但唔似味精。超多芫荽同蒜，系經典嘅港式重口味。雜菌竟然系冬菇比較多，唔硬但唔算好索味。手撕雞都幾多，唔太鞋，正正常常咁。韮菜餃酸辣上海麵🌶🌶佢其實都系同一個湯底，不過配菜除咗芫荽同蒜，仲有一大堆東菜、辣椒、花生等等。味道唔似譚仔或者酸菜魚嗰種酸辣，而系好港式細個食嗰種、茶記/大排檔嗰種味道。辣度適中🤣🤣。韮菜餃個皮超滑，韮菜餡唔算好青味，好香油味。