金饍韓國料理 (已結業)

星期六下午，搵埋家姐同爸爸媽媽出動去正在減價既百貨公司行下，差唔多成2點先到，搵地方食左個lunch先. 見到金饍，之前响旺角店食過好多次，lunch set都幾ok，所以就試下呢間。原來，康怡店下午一點半後入座，全單有八拆喎！正！我地四個人，唔想食太多肉，所以只叫左兩個烤肉飯，再加個人參竹絲雞。不過，本身個餐有前菜，所以都好足夠架！每個餐都奉送三款前菜，當然唔少得泡菜啦！仲有大豆牙菜同菜，樣樣都好好味，清清地，好開胃！而泡菜個味應該改良左，就番香港人既口味，唔係太辣，老人家都接受到！至於人參竹絲雞，因為平時食lunch時間好趕，冇機會試，今次可以有時間慢慢食，就叫左比爸爸媽媽試下。材料都算幾足，成隻烏雞，裡面有糯米，仲有細細條既人参添！不過，我個人就唔係太鍾意個味道，略為苦！可能呢D就係參味啦！我同家姐就主力食烤肉飯，兩種烤肉都係鐵板上，熱騰騰！而且份量都幾多，好似食唔完咁！我相信烤肉唔係新鮮肉，但經過處理同燒烤，加上洋蔥同燒汁，味道非常野味，而且肉質都幾滑。空口食就略鹹，好彩個餐有跟白飯，一齊食就剛剛好！好快就成碗飯食晒啦！不過，食完就見到鐵板上仲有好多油，都係少食多滋味啦！整體而