瀛豐放題料理專門店

營業中

休息中

朋友推薦今晚去銅鑼灣呢間放題店食放題，呢間 <瀛豐放題>餐廳，除左抵食之外，仲坐得好舒服喎！人均消費$209起，我哋今晚就食8pm時段，$259/位，食足兩小時，完全冇趕客，食得暢快！！～先來第一round，我哋叫咗好多款刺身，有三文魚腩刺身、海膽帶子、吞拿魚刺身、希靈魚、大赤蝦、原隻鮑魚、鮑片、油甘魚、劍魚腩、翡翠螺、馬刀貝等等，刺身嘅質素都非常之新鮮，而且入口肉質夠曬鮮甜好味。極品海鮮拼盤入面仲有罐頭嘅魚子醬，餐廳確係非常重本！！ 連甘矜貴嘅食材，都送埋畀你，值得一讚！！～另外我哋仲叫咗一口海膽壽司、火焰左口魚邊壽司、鵝肝帶子壽司，肥美新鮮。炸物有大蝦天婦羅、黃金豆腐、炸榴槤波波、脆皮炸香蕉、芝麻炸雞翼，呢幾款都非常值得推薦，香脆好食。其它必食款式有泰式燒元貝、串燒牛柳、燒菠蘿、泰式燒生蠔，各款都燒得香口惹味。最後仲有幾款自家製甜品，homemade 芝士餅、榴槤糯米糍同tiramisu都好好食，還有不能錯過的榴槤雪糕！！～整體來講，我覺得餐廳嘅食物質素、環境、同服務都非常之唔錯，最重要係佢三百蚊都唔使嘅價錢，就可以食到咁有質素嘅刺身，絕對值得推薦。