OMG Chicken (已結業)

地址－OMG Chicken將軍澳澳南海岸唐俊街23號MONTEREY Place 地下G23A號舖💋OMG多國海鮮拼盤，是日餐湯配蒜蓉包，我地揀左2人餐，佢首先送上是日餐湯同蒜蓉包，侍應好好地告知係蕃茄湯，個湯飲落好CREAMY，又好濃郁蕃茄味，正，而佢個蒜蓉包就焗到好脆身，蒜蓉味好香，正，到個每鮮拼盤，真係OMG，種類好多，佢有帶子，墨魚仔，大蝦同埋煙三文魚等，令人目不暇給，佢D海鮮口感彈牙，好新鮮，最正係煙三文魚唔會過鹹，冇咩負擔咁，哈。💋OMG烤雞(4件)(法式蜜糖汁)，佢呢度D烤雞好大隻，仲有大雞鎚同埋雞全翼各2隻，2個人食絕對夠分，佢本身烤完後都鋪滿蜜糖汁，而佢都好貼心地另跟一碟的法式蜜糖汁比人蘸，有需要都可以蘸，而佢個表皮都好脆身，配埋法式蜜糖汁一齊食，甜甜地，好正。💋龍蝦汁珍珠帶鮮蝦扁意粉，佢呢個龍蝦汁好濃郁，芝士味好香濃，每條扁意粉都掛滿醬汁，勁正，基本上每一口都可以食到珍珠帶子的彈牙口感，可想而知佢D珍珠帶子份量有幾豐富，而佢D蝦食落都爽口彈牙，鮮味十足！