影片
更多
2018-01-01
71 瀏覽
旺角區想鋸扒，朋友介紹呢間餐廳俾我。除夕夜，一行五人嚟食，要等位，都等左二十幾分鐘！店員俾左張咭片我，原來可以訂位。聽聞呢度最出名係火焰鐵板，豬、牛、羊、雞、魚都有，我就揀左鐵板燒紐西蘭肉眼扒餐$112。先係餐湯，紅湯或白湯，叫左白湯-甘筍忌廉湯，味道麻麻，好淡甘筍味。餐包係蒜蓉多士，好脆！鐵板上枱，先淋上預先調好嘅酒：再點火，呢個時候當然要勁影相呃吓like！等細火少少就淋上「野菌汁」，醬汁有幾款，點菜時自己揀！肉眼扒肉質都幾鬆軟，好易切。味道有強烈酒味，似係有冧酒，難免遮左啲牛味，不過百零蚊一個火焰鐵板餐，算係合格啦。餐飲我揀左即磨咖啡，都唔駛補錢。朋友揀凍檸茶加$3、黑牛加$9、雪糕紅豆冰加$11，飲品都幾多選擇！
聽聞呢度最出名係火焰鐵板，豬、牛、羊、雞、魚都有，我就揀左鐵板燒紐西蘭肉眼扒餐$112。
先係餐湯，紅湯或白湯，叫左白湯-甘筍忌廉湯，味道麻麻，好淡甘筍味。
餐包係蒜蓉多士，好脆！
鐵板上枱，先淋上預先調好嘅酒：
再點火，呢個時候當然要勁影相呃吓like！
等細火少少就淋上「野菌汁」，醬汁有幾款，點菜時自己揀！肉眼扒肉質都幾鬆軟，好易切。味道有強烈酒味，似係有冧酒，難免遮左啲牛味，不過百零蚊一個火焰鐵板餐，算係合格啦。
餐飲我揀左即磨咖啡，都唔駛補錢。朋友揀凍檸茶加$3、黑牛加$9、雪糕紅豆冰加$11，飲品都幾多選擇！
張貼
