烚時・滾動 (裝修中)

今日去左太子食飯～同事推薦黎烚時.滾動打邊爐兩個人去打邊爐最怕就係冇得揀份量，試唔到多野🥲而呢間就可以揀一份/半份而且價錢合理，岩晒我呢啲樣樣都試下嘅人👍🏻湯底叫左椰子雞湯，湯底清甜，雞件好新鮮食落肉質嫩滑雙併餃鮮蝦雲吞同魚皮餃都好新鮮，尤其想講覺得呢度嘅魚皮餃好好食😂塊皮比起一般食到嘅煙韌、口感彈牙廣島蠔隻隻都大大隻而且厚肉～食落鮮甜唔腥，叫一份係冇錯嘅🤣油麥菜&萵荀片蔬菜類半份嘅份量都一啲都唔少～兩種蔬菜都好新鮮，味道清甜雙併滑（蟹籽蝦滑+墨魚滑）全晚MVP一定係呢個雙併滑！先講蝦滑，非常爽口彈牙，食得出係真材實料嘅蝦滑，唔係落左勁多粉去整果啲👍🏻平時食到嘅墨魚滑，通常口感都會相對軟淋，但呢個墨魚滑食落係彈牙，出街打邊爐真係比較少食到呢個質素，仲要價錢唔貴！溫馨提示：雙拼滑係放晒係同一枝管度，唔洗以為俾少左😂新鮮炸響鈴比起細細舊嘅響鈴，我更加鍾意呢種長響鈴😋響鈴食落新鮮，唔會有油膱味，口感鬆脆！嗌半份真係唔夠喉🙈除左食材新鮮，食物質素好之外，呢度嘅店員服務都好好，非常親切，仲會主動幫手清走湯上嘅浮沫，單係用心嘅服務已經絕對值得再encore🥰