極上牛気 (圍方)

營業中

休息中

天氣突然轉冷，真係最啱打邊爐，約咗朋友去大圍圍方商場行街聚舊，晚餐大家都想打邊爐，所以就去咗牛氣啦，呢間分店仲係極尚version嘅牛氣呢！由於我地都唔係話食好多肉，所以叫咗最便嘅90分鐘放題 （$198加一），入座前要揀好湯底，一坐低已經有牛肉、豚肉、雞肉隨即送上，非常之細心。放題區有各式各樣嘅蔬菜同丸類食品，仲有5-6款嘅熟食比大家選擇，由於掛住食唔記得影相，印象中有魚蛋、燒賣、豬軟骨、咖哩……仲有幾款炸物，食飽仲可以去埋甜品區食甜品，仲有軟雪糕同棉花糖機任食添呀！當然飲品都係任飲！值得推介手打烏冬！一定要試！