二八火鍋 (已結業)

我地邊爐就成日食，今次去左食火鍋放題，見佢本身係單點既，依家做緊優惠$228一位既2小時放題，就黎試下佢啦🤓佢地雖然湯底有價錢，但係$228已經包左，唔洗額外加錢，我就揀左胡椒豬肚雞鍋半隻，d雞都幾滑，湯底胡椒味偏重，整體個湯底係唔錯👍🏻食物方面，有勁多種類，牛都已經有3款選擇，仲有豬，雞，丸，餃，菜等等呢d打邊爐必備既野食，海鮮都有幾款，咁我就當然每樣叫d，整體黎講，食物算中上質素，我最鐘意同最特別既認為係煎午餐肉，呢個打邊爐真係一流🥰呢度比較突出既係佢地有做埋熟食既小食，我地叫左椒鹽豆腐粒同吉列墨水餅，兩樣都係即叫即整，呢d炸野新鮮熱辣就係最好食😋飲品方面所有罐裝飲品都係包埋任攞既，有可樂雪碧，仲有雪花啤酒，對酒有要求係可以加錢飲其他牌子既，而我就攞左一渣竹蔗水埋位慢慢嘆，打邊爐熱氣可以清熱ma😆呢個放題餐我覺得係好抵食，最緊要就係佢食物種類夠多，有埋熟食就更加正，飲品有竹蔗水又係驚喜，一般都係自家製冷泡茶多，同埋時間係2個鐘，真係夠曬時間食，有部分地方得90分鐘會食得比較趕😉