火鍋本色 (已結業)

火鍋本色有幾款優惠套餐，我就叫了2人套餐，湯底雙拼麻辣， 金華火腿冬瓜煲做湯底，湯底幾高質，好多乾瑤柱做配料，咸鮮味夠突出，另外麻辣湯夠香夠濃，相當麻辣！非常惹味。海鮮拼盤有蝦，鮑魚，刀貝。全部都好新鮮，蝦同鮑魚仲識郁，蝦夠爽彈鮮甜。鮑魚彈牙有質感，相當出色。好正既海鮮盤！招牌四寶丸特別一提係蝦芝士丸，爽口彈牙，內層的芝士半溶流心！手打丸有層次感相當高質又有 heart極品手切牛，色澤紅潤好靚仔，雙飛起邊食起黎更有層次，牛香幾濃而且有嫩感，好好食。還包枝甘荀汁竹蔗水，甜得自然唔造作，有潤喉感，幾正。