倫哥火鍋私房菜 (已結業)

知道倫哥火鍋係以放題形式任飲任食，最適合我哋呢啲大圍人士。首先就係餐前小食，先叫咗啲刺身，刺身拼盤嘅大蝦刺身好鮮甜，正。蠔油冬菇鮑魚大大隻嘅冬菇，再加埋佢新鮮嘅鮑魚，配埋佢特製嘅蠔油汁，以及一些西蘭花，好豐富嘅豪華菜。阿嫲雞煲，肉質鮮嫩，而且非常入味。海鮮拼盤中嘅海蝦，大大隻蜆，肥味嘅生蠔，全部都非常新鮮美味，特別係大蝦🍤非常爽口彈牙。其他火鍋配料包括好新鮮嘅牛肉、我最鍾意嘅大隻雲吞水餃、好脆口嘅響鈴魚皮同埋好大粒嘅各款丸類，食物非常豐富。還有很多各類飲品，啤酒，汽水，竹蔗茅根等等，任君選擇，呢一餐真係好抵食。