韓宮 (已結業)

朋友之前食過話幾抵食仲有我最鐘意的醬油蟹仲有優惠，就平日同佢一齊再嚟過。牛肉和豬肉套餐入面有調味牛肋骨，牛五花，烤五花腩，烤豬頸肉款式都多選擇而且價錢比心目中抵食，肉質幾新鮮而且餣料不會太咸剛好，腩燒完後有帶少脆口必食，配菜有好幾款，見有雪耳幾得意仲要口感不錯有驚喜。醬油蟹配飯竟然$68，用IG訂座最少2人就可以叫一隻，醬油味不會太咸，蟹都新鮮，配飯和蟹膏和蛋一起食不錯。牛肋骨湯飯，牛肋骨勁大件最後要用較剪剪開先食到，幾淋身，湯有少少胡椒味，入面蘿蔔好入味，湯加少少飯十分好吃。飲品有啤酒同其他冇酒精，最後要了汽水和柚子茶，沒想到幾大杯而且味道十分濃郁。