嚐味 (已結業)

今日去完花墟，經過嚐味見有晚市任食仼飲火鍋，價格仲夠晒吸引，加$68蚊仲有原味蔥燒烤魚。大食嘅肥仔覺得好吸引，一於試試佢。🐠🐠點醬台同飲品櫃十多款醬料同埋汽水任揀任攞，好多選擇，差啲有選擇困難症。🐠🐠原味蔥燒烤魚條魚被經過精心處理後烤至啱啱好熟透，外皮香脆可口，保留咗原汁原味，魚肉香氣十足。除咗味道鮮美之外，肉質都柔軟卻不失彈性，一咬就感受到魚肉嘅鮮甜同鮮嫩，令人欲罷不能。湯頭都好值得一提，炸蒜同三香椒味道和香氣令人難以抗拒。蒜蓉味道經過熬煮後與魚充分融合，令食材鮮甜更為突出，湯底充滿層次感，令成道菜品更加豐富同鮮美，回味無窮！🐠🐠椰子雞火鍋食完烤魚之後就會上椰子雞煲。湯底清澈，一解頭先烤魚嘅重口味。火鍋配料有好多選擇，肥牛青口丸類蔬菜，任君選擇，食到肚都大！總結，以呢個親民價錢嚟講，放題食物選擇多，質素亦不錯，香港抵食之選！