和味煮意

營業中

休息中

荃灣是美食地區，真係好多好食小店，新年前去開荃灣搵朋友，然後就係附近搵食，呢日想食烤魚酸菜魚呢啲熱菜，去街市街附近被佢大大張宣傳海報吸引-大魚大肉2小時任食放題，原來係可以選酸菜魚/雞煲/烤魚一款，然後任食邊爐放題，啱晒我想食烤魚的慾望。一入到去就立即order 烤魚，仲有8種煮法比我揀，包括：🥢全湯酸菜烤魚🥢檸檬酸菜烤魚🥢泡椒酸菜烤魚🥢檸檬泡椒酸菜烤魚🥢鮮滕椒烤魚🥢香辣烤魚🥢麻辣烤魚🥢重慶麻辣烤魚我地就揀咗鮮滕椒烤魚（小辣），然後就可以出去拎嘢食，出面有一個櫃放置任食食品，種類選擇都不少，都是平時吃烤魚時會加的配菜，包括牛栢葉、水魷魚、鴨血、午餐肉、滑牛、牛肉、雞件、長蟹柳、蓮藕片、雲吞、水餃、各式丸、粟米、金菇、萵苣等等，仲有辛辣麵！烤魚好快就到，伴隨就係附送既精選海鮮及牛肉一份，烤魚超大條的，而藤椒味清香，小麻小辣，小辣也不是太辣，下次可以叫中辣試試看，魚肉實淨嫩滑入味，吃不停口。食到一半就可以將配菜加入湯打邊爐，先吃附送的海鮮及牛肉，海鮮有帶子、大蝦、鮑魚及生蠔，都很不錯，而牛肉都油花充足，打邊爐一流。吃完都好飽，所以配料只能淺嚐，當中最喜歡佢既滑牛、牛栢葉及雲吞，滑牛調味剛好