LAB10 (裝修中)

今晚同老婆出開朗豪坊行街，見到呢間舖食韓國野，而且仲有燒肉食又唔係貴。裝修比較簡潔，座位都唔小。入面唔覺有油煙味，所以個爐抽風好好。Lab cube，每種味有兩支，青蘋果、士多啤梨同芒果，佢另外仲有個杯比你倒埋一齊，好似中學做實驗咁。另外叫左杯CoCo，呢杯比較消暑，主要係椰青水同西瓜汁，清涼得黎唔係好甜。牛牛板，有7份牛唔同部位既肉，最好味非牛小排莫屬，油脂分布唔錯，比牛後腹相對腍。而厚切牛舌就比較爽口有咬口。韓式牛肉炒粉絲，無想像中咁濃味，味道恰到好處，出奇地好食。韓式海鮮蔥餅，比其他地方食開厚身，底同面都好脆。