唐記包點 (德田廣場)

營業中

休息中

收工經過口痕痕就想買啲野食下先返歸~~見到佢就岩晒啦！！！間唔中都會食佢地蒸包同點心做早餐，亦試過外賣蒸飯返去食！！雖然每日精選有特價蒸飯，但屋企已經煮梗飯，所以都係下次先啦xp原來依家仲出埋飯券，都幾抵啵！係諗梗買咩止下口痕之際，俾我見到煎飽同煎鍋貼做梗優惠，咁就一於食佢地啦驚食咁多包會太飽食唔落飯，所以就要左兩隻煎鍋貼同一個煎韭菜包點解會有兩袋？？因為俾錢既時候見到有砵仔糕，所以就買左兩返去孝敬老豆媽子XD煎包唔太油，表面煎得夠脆身，幾好幾好！鍋貼亦唔錯，大大粒好飽滿，外厚薄適中而菜肉内餡比例均稱：）砵仔糕望落好多豆，兩老都話味道唔差