燒味滷師 (成城大廈)

營業中

休息中

估唔到一間小小嘅外賣燒味店都咁受歡迎，不過都唔係排咗好耐隊，等外賣嘅時候有位婆婆想要隻乳豬，可惜賣晒，見到婆婆失落果個樣相信隻乳豬應該好好食，有機會嘅話一定要試吓！提提大家乳豬係要預訂嘅！至尊燒鵝：燒鵝唔算太肥，咬落去啲肉汁油爆晒出嚟！燒味佬叉燒(半斤)：厚切蜜汁叉燒，非常之厚，超級多汁每一舊都有濃厚啲蜜汁包圍住，咬落去啲蜜汁爆曬出嚟，極濃蜜汁甜味，叉燒唔會鞋半肥瘦啱啱好！沙薑鹽焗雞(半隻)：雞唔會太肥又唔會太瘦，首先唔點任何醬汁已經好好味，濃濃雞味！有兩種醬汁，沙薑同蔥油，可以淨點是但一個又可以點晒兩個，簡直絕配！海蜇拼泰式鳳爪：份量都幾多，唔會太辣非常爽口！