校長燒肉日韓料理 (沙咀道) (已結業)

同老公去荃灣探朋友，之後去咗食放題，校長燒肉日韓料理任飲任食2小時，除咗有韓燒烤肉外，仲有火鍋。餐廳裝潢簡潔，地方寬敞，座位舒適。設有自助區，分門別類、擺放整齊地給客人自取。食物種類繁多，有燒烤、火鍋、冷盤、刺身、壽司、點心、熟食、甜品和飲品等，用料都好新鮮，燒烤嘅肉已經用調味料醃好，有辣有唔辣選擇，仲醃得好入味！熟食都好有水準，仲不時更換款式，迎合客人口味。中式點心同壽司都有好幾款。試咗蝦餃燒賣都唔錯。沙律食材都好新鮮。炸物香脆可口。亦有豬腳薑、人參湯、番薯糖水。刺身新鮮，由專人負責給客人，每人每次限取三款，衛生乾淨之餘又唔會浪費食物。甜品有好多選擇，首先係色彩繽紛嘅奶凍和啫喱，仲有雪糕雪條。飲品方面有紙包飲品、汽水啤酒等都係任飲。餐廳燒烤爐有牛油紙墊住，燒烤時唔會痴底，店員仲會不時更換，抽氣亦做得唔錯，唔會食到周身燒烤味。