影片
更多
2016-07-30
1101 瀏覽
好耐都冇黎赤柱, 見哩個禮拜話會好天, 所以幾日前就 PLAN 定今日要黎赤柱行下, 食下野咁。唔知係唔係天氣太熱呢, 覺得比以前少人左, 連美利樓都有 H &M 進駐, 感覺怪怪咁...行到咁上下, 我地就去左大街搵野食....楝左哩間, 佢地有樓上雅座, 有冷氣, 係咁熱既天氣黎講, 真係太好囉...其實佢地上面個層好正架, 如果坐到窗邊位, 可以一路望住個海食, 又可以一路嘆住冷氣..哈...不過只限二人位, 如果有心坐, 可以打電話黎留定枱, 但可惜, 我地上到去時, 已經俾人坐晒囉。 上面仲有一張美式卓球枱, 聽啲 STAFF 講, 之前話可以食滿 $300 就有得玩, 但而家改左, 每局 $50 , 所以我地都冇玩到....."意式馬鈴薯粉糰伴磨菇, 南瓜,波菜配香草忌廉汁 $158", 我好鐘意食馬鈴薯粉糰, 哩度做到煙煙韌韌, 有口感, 因為馬鈴薯都比較溜, 佢配啲個南瓜同磨菇, 可以減輕配食肉類既滯, 啲南瓜好甜, 菠菜都好新鮮, 個白汁煮得唔錯.....老公一路食都話好味, 但係就一路講, 話哩碟一定好肥...."迷你牛胸包配辣根忌廉 $152", 細細個BURGE
好耐都冇黎赤柱, 見哩個禮拜話會好天, 所以幾日前就 PLAN 定今日要黎赤柱行下, 食下野咁。唔知係唔係天氣太熱呢, 覺得比以前少人左, 連美利樓都有 H &M 進駐, 感覺怪怪咁...
行到咁上下, 我地就去左大街搵野食....楝左哩間, 佢地有樓上雅座, 有冷氣, 係咁熱既天氣黎講, 真係太好囉...其實佢地上面個層好正架, 如果坐到窗邊位, 可以一路望住個海食, 又可以一路嘆住冷氣..哈...不過只限二人位, 如果有心坐, 可以打電話黎留定枱, 但可惜, 我地上到去時, 已經俾人坐晒囉。 上面仲有一張美式卓球枱, 聽啲 STAFF 講, 之前話可以食滿 $300 就有得玩, 但而家改左, 每局 $50 , 所以我地都冇玩到.....
"意式馬鈴薯粉糰伴磨菇, 南瓜,波菜配香草忌廉汁 $158", 我好鐘意食馬鈴薯粉糰, 哩度做到煙煙韌韌, 有口感, 因為馬鈴薯都比較溜, 佢配啲個南瓜同磨菇, 可以減輕配食肉類既滯, 啲南瓜好甜, 菠菜都好新鮮, 個白汁煮得唔錯.....老公一路食都話好味, 但係就一路講, 話哩碟一定好肥....
"迷你牛胸包配辣根忌廉 $152", 細細個BURGER, 一望落去唔會俾啲大大個BURGER 未食已經覺得好飽既感覺, 一食落去, 覺得唔夠熱, 唔知係唔係佢要等埋碟薯粉糰一齊上枱, 所以凍左少少, 麵包係帶少少硬食既法包, 啲薯條一睇就覺得炸過龍, 顏色深左好多....哩碟感覺麻麻
"法國燒春雞 $88", 每日限量發售! 初時只係叫左上面個兩樣野, 但係見隔離枱上時, 聞到好香, 同埋 $88 一隻燒雞, 又真係幾抵咁, 所以我地都叫黎試下...哈 (其實我地都好大食, 兩個人食三個 main course, 最後都只係食淨好少), 我覺得隻雞唔係幾夠味, 雖然有燒汁, 但係如果隻雞可以落多少少鹽醃下先會較好, 隻雞脾同雞亦位既肉好滑, 雞胸就好鞋, 不過一般食雞, 雞胸都係較鞋身....好難避免, 下面既配菜焗薯同盧筍都好味...總括黎講, 隻雞可以叫黎試下....
張貼
