Chicken n Egg (已結業)

今日一朝早起身同媽咪整嘢，行嚟行去幾個鐘好攰，搵咗間就近嘅燒雞店食晏。要咗兩份Salad Main Soup, SMS。麵包－自家製，搣開冒煙非常燙口，牛油一涂即溶，咬落並非鬆軟但有彈性，麵粉幾香。沙律－捲心菜、青蘋果、粟米粒、甘荀絲以薄薄沙律醬拌勻，口感清新。孜然燒雞－茴香味不算太強，但外皮燒得香口，皮下脂肪全無，胸位但仍嫩滑，若嫌中間不夠味可點beef gravy sauce同吃，非常滋味。拌碟薯蓉以大量忌廉牛油打成好邪惡，但媽咪唔食我double上😝洋蔥湯－香甜的味道，如果有半溶芝士更美好。咖啡－似Italian roast，濃厚的煎焙與焦香伴隨苦味，雖非最愛但還不錯。